Mae trais yn erbyn menywod yn fusnes i bawb.
Gallwch chi helpu i wneud gwahaniaeth a lleihau, atal, a rhoi diwedd ar drais yn erbyn menywod yng Nghymru.
Sut mae dechrau arni?
- Ystyriwch godi arian ar eich pen eich hun, gyda ffrindiau neu gydweithwyr, neu gyda‘ch grwpiau cymunedol lleol.
- Byddwch yn greadigol! Allwch chi ddefnyddio’ch sgiliau, eich diddordebau, neu bobl ddefnyddiol yn eich rhwydweithiau?
- Edrychwch ar ein cyfres o adnoddau sy’n cynnwys pecyn cymorth codi arian, ffurflen gwneud rhodd a phosteri.
- Codwch arian eich ffordd chi a chrëwch dudalen codi arian ar gyfer gweithgaredd o’ch dewis chi. Gallwch chi greu eich tudalen ar JustGiving neu ar ein hwb codi arian ni, Raisely!
- Cysylltwch i siarad â ni am eich cynlluniau codi arian. Gallwn ni helpu gydag unrhyw syniadau sydd gennych!
Oes angen rhywfaint o ysbrydoliaeth codi arian arnoch?
- Mentrwch i’r awyr a thiciwch ‘plymio o’r awyr’ oddi ar eich ‘rhestr bwced’. Rydyn ni wedi partneru gyda Skyline Skydiving ar gyfer her wirioneddol epig. Cofrestrwch nawr!
- Trefnwch noson gwis gyda’ch ffrindiau a’ch teulu. Beth am gynnwys raffl hefyd?
- Cofrestrwch ar gyfer digwyddiadau yn eich ardal leol. Mae llu o ddigwyddiadau y gallwch chi gymryd rhan ynddyn nhw, gan gynnwys Hanner Marathon Caerdydd. Edrychwch ar ein tudalen digwyddiadau Codi Arian yma i weld yr holl opsiynau.
- Dysgwch am ein hymgyrchoedd codi arian rheolaidd! Mae ein hymgyrch Cacennau Cri i Cymorth i Ferched Cymru yn cynnig ffordd felys o godi arian a bydd ein hymgyrch 16 Diwrnod o Weithredu yn dychwelyd eto fis Tachwedd hwn.
- Trefnwch lotri yn eich swyddfa. Mae’r Euros neu Gemau Olympaidd 2024 yn gyfle perffaith i gael eich cydweithwyr i gymryd rhan.
Ffyrdd eraill y gallwch chi gefnogi Cymorth i Ferched Cymru
- Cofrestrwch i fod yn rhoddwr rheolaidd i’n helpu ni i wneud gwelliannau hirdymor i oroeswyr camdriniaeth a thrais ledled Cymru.
- Dewch yn bartner corfforaethol. Gallech chi ein dewis ni fel eich Elusen ar gyfer y Flwyddyn neu gallech chi drefnu digwyddiadu codi arian yn y gweithle.
- Dangoswch i’ch anwyliaid gymaint maen nhw’n ei olygu i chi a helpwch i’n cefnogi ni ar yr un pryd trwy anfon e-Gerdyn.
Byddem wrth ein bodd yn clywed gennych! Anfonwch e-bost atom i roi cychwyn ar eich taith codi arian [email protected].
