Cymorth i Ferched Cymru yw’r sefydliad ambarél cenedlaethol yng Nghymru ar gyfer gwasanaethau arbenigol y trydydd sector sy’n gweithio i ddileu cam-drin domestig, trais rhywiol a mathau eraill o drais yn erbyn menywod.
Ein cyflogau a’n buddion
Diwylliant
Mae ein diwylliant yn annog cydbarchu, cydweithredu, creadigrwydd, ac arloesi. Mae ein dull gweithredu yn ymarferol ac rydyn ni’n cynnig trefniadau hyblyg a phatrymau gwaith iach i fodloni amgylchiadau unigol.
Rydyn ni’n rhoi lle hefyd i’n gweithwyr dyfu. Mae cyfleoedd i gysgodi gwaith ym meysydd eraill y busnes, cymryd rhan mewn digwyddiadau a meithrin sgiliau ychwanegol.
Mae’r rhan fwyaf o’n rolau yn agored i fenywod yn unig o dan Ddeddf Cydraddoldeb 2010 yn unol ag Atodlen 9, Rhan 1, sy’n cynnwys ymgeiswyr sydd â phrofiad bywyd o fod yn fenyw.
We value diversity and are committed to promoting equality. We encourage applications from women from all backgrounds and communities – applicants from Black, Asian or other ethnic minority backgrounds and people with a disability who meet the essential job criteria will be guaranteed an interview.
Rydyn ni’n gwerthfawrogi amrywiaeth ac wedi ymrwymo i hyrwyddo cydraddoldeb. Rydyn ni’n annog ceisiadau gan fenywod o bob cefndir a chymuned – bydd ymgeiswyr o gefndiroedd Du, Asiaidd neu leiafrifoedd ethnig eraill a phobl ag anabledd sy’n bodloni’r meini prawf swydd hanfodol yn sicr o gael cyfweliad.
Ein buddion
Yn ogystal â chyflog cystadleuol, mae’r rhan fwyaf o’n swyddi’n gallu manteisio ar y canlynol:
Gweithio hyblyg: chi sy’n dewis pryd i weithio – gallwch gyflawni oriau eich contract rhwng 7am a 7pm.
Gweithio hybryd: chi sy’n dewis ymhle i weithio – yn un o’n swyddfeydd, gartref neu gyfuniad o’r ddau.
Cewch ddewis sut i weithio: rydyn ni’n ymddiried yn ein gweithwyr i ddefnyddio eu doethineb, eu menter a’u sgiliau i gyflawni eu rolau, gyda chymorth ac arweiniad ar gael pan fydd eu hangen.
Iechyd a llesiant: gwiriadau am ddim gydag optegydd, mynediad at ein llinell gymorth cwnsela a chyngor 24 awr, sesiynau cwnsela a CBT wyneb yn wyneb/ar-lein, sesiynau ‘Arfer Myfyriol’ unigol neu grŵp i’ch cefnogi wrth gyflawni eich rôl, cyfarfodydd tîm rheolaidd (rhithwir ac wyneb yn wyneb) i ddod i adnabod cydweithwyr ac ar gyfer cymorth gan gymheiriaid, a chyfle i ymuno â’n Grŵp Gweithredu Croestoriadedd i drafod a helaethu gweithgareddau i ddatblygu Cymorth i Ferched Cymru fel gweithle cynhwysol.
Pensiwn: cyfraniad pensiwn cyflogwr o 6% yn dilyn cwblhau cyfnod prawf o 6 mis.
Amser i ffwrdd o’r gwaith: lwfans gwyliau blynyddol o 25 diwrnod ynghyd â gwyliau banc, Noswyl y Nadolig, yn ogystal ag absenoldeb teuluol ac absenoldeb trugarog â thâl ar gyfer adegau pan nad yw bywyd yn mynd yn ôl y disgwyl.
Eiriolydd Llinell Gymorth Byw Heb Ofn
- £27,852.00 – £29,439.00 pro rata y flwyddyn
- Oriau ac patrymau weithio amrywiol (gwaith nos a penwythnos disgwyliedig)
- Contract parhaol
- Yn y swyddfa (ger ein swyddfa yng Nghaernarfon). Rhaid bod yn barod ac yn gallu cymudo.
Dyddiad cau: 10fed o Mawrth 2025
Disgrifiad swydd byr: Mae’r Llinell Gymorth Byw Heb Ofn yn llinell gymorth 24 awr sydd wedi ennill gwobrau ar gyfer goroeswyr cam-drin domestig, trais rhywiol, a phob math arall o drais yn erbyn menywod yng Nghymru. Rydym ni’n darparu gwasanaeth gwrando a chyfeirio i oroeswyr, teulu, ffrindiau a gweithwyr proffesiynol. Yn ogystal â’n gwasanaeth ffôn, rydym hefyd yn darparu cymorth a chefnogaeth drwy e-bost, neges destun a gwesgwrs.
Bydd yr ymgeisydd llwyddiannus yn aelod o dîm y Llinell Gymorth, gan adrodd i’n Arweinydd Tîm Llinell Gymorth Fel rhan o’r swydd, byddwch yn:
- Ymateb i ymholiadau i’r Llinell Gymorth Byw Heb Ofn a dderbyniwyd dros y ffôn, e-bost, gwe-sgwrs neu neges destun i’r canlynol:
- Darparu gwasanaeth gwybodaeth a chyfeirio cyfrinachol i unrhyw un sy’n dioddef cam-drin domestig, trais rhywiol a/neu unrhyw fath arall o drais yn erbyn menywod, ac i’r rhai sy’n cysylltu â’r gwasanaeth ar eu rhan.
- Gwerthuso ac ymateb i angen, a lleihau’r risg i’r rhai sy’n dioddef cam-drin domestig, trais rhywiol, neu fathau eraill o drais yn erbyn menywod.
- Cyfeirio defnyddwyr gwasanaeth at wasanaethau cymorth priodol gan ddefnyddio’r llwybrau atgyfeirio sefydledig.
Bydd hyfforddiant llawn yn cael ei ddarparu.
Fel rhan o’r rôl hon, bydd disgwyl i chi weithio shifftiau ar rota 24 awr. Mae sifftiau penwythnos a nos yn rhan angenrheidiol o’r rôl.
Manyleb Person
Mae’r swydd hon yn agored i fenywod yn unig o dan Ddeddf Cydraddoldeb 2010 yn unol ag Atodlen 9, Rhan 1, mae hyn yn cynnwys ymgeiswyr sydd â phrofiad bywyd o fod yn fenyw. Rydym yn rhoi gwerth ar amrywiaeth ac rydym wedi ymrwymo i sicrhau bod ein sefydliad yn lle cynhwysol i weithio ynddo.
Oes gennych chi brofiad o’r canlynol:
- Gweithio o fewn gwasanaeth cam-drin domestig, trais rhywiol, neu drais yn erbyn menywod neu debyg.
- Darparu gwasanaethau cymorth Llinell Gymorth uniongyrchol.
- Gwaith shifft, yn enwedig gwaith shifft nos.
- Diogelu oedolion a phlant.
Oes gennych chi wybodaeth am y canlynol:
- Dealltwriaeth o gam-drin domestig/trais rhywiol a’r effeithiau.
- Dealltwriaeth dda o’r gwasanaethau sydd ar gael ar draws y sectorau statudol a gwirfoddol a allai gefnogi goroeswyr.
- Gwybodaeth berthnasol am unrhyw un neu bob un o’r meysydd canlynol: Budd-daliadau, Materion cyfreithiol, Tai, Diogelu plant ac oedolion ag anghenion cymorth ychwanegol, Mewnfudo.
Ydych chi:
- Yn gallu cyfathrebu’n effeithiol yn y Gymraeg a’r Saesneg, ar lafar ac yn ysgrifenedig gydag unigolion a sefydliadau gwahanol.
- Yn wrandäwr ardderchog – gyda phwyslais ar dact, empathi, amynedd a charedigrwydd.
- Yn wydn yn emosiynol gyda’r gallu i ddelio â galwadau a chysylltiadau emosiynol.
- Yn gallu blaenoriaethu llwyth gwaith a chyflawni nifer o dasgau ar yr un pryd mewn amgylchedd gwaith prysur.
- Yn drefnus, gyda’r gallu i gofnodi, adrodd ac ymateb i broblemau sy’n effeithio ar y gwasanaeth Llinell Gymorth.
- Yn gallu meithrin perthynas waith gadarnhaol gyda chydweithwyr ar draws y sefydliad.
- Yn gallu cyflawni eich gwaith gweinyddol eich hun, dangos sgiliau TG da a’r gallu i ddysgu meddalwedd newydd.
- Wedi ymrwymo i’ch dysgu a’ch datblygiad eich hun, ac yn gallu ymgymryd â thasgau newydd gyda brwdfrydedd.
Os yw hyn yn swnio fel chi, gwnewch gais gan ddefnyddio’r Ddolen.
Mae dogfennau atodol ar gael ar ein gwefan Gweithiwch gyda ni : Cymorth i Ferched Cymru (cymorthiferchedcymru.org.uk)
E-bostiwch recriwtio@cymorthiferchedcymru.org.uk neu ffoniwch ni ar 02920 541 551 os oes gennych unrhyw gwestiynau am y rôl.
Ffyrdd i wneud cais am rôl gyda Cymorth i Ferched Cymru
Mae tair ffordd wahanol y gallwch wneud cais am un o’n rolau agored:
- Cwblhau ffurflen gais ar-lein – mae’r manylion i’w gweld yn y ddogfen pecyn swydd. Cyn i chi ddechrau, gallwch weld rhestr o’r holl gwestiynau y bydd angen i chi eu hateb.
- NEU cliciwch yma i lawrlwytho fersiwn MS Word o’r cais a’i gyflwyno trwy ebost.
- NEU gofynnwch am gopi papur drwy ebostio recruitment@welshwomensaid.org.uk.
Pa mor hir fydd hi’n ei gymryd i gwblhau’r cais?
- Rydyn ni wedi ceisio cadw’r ffurflen mor fyr â phosibl. Rydyn ni’n amcangyfrif y dylai gymryd rhwng awr a dwy awr i baratoi a chyflwyno eich cais.
- Unwaith y byddwch yn dechrau’r ffurflen gais, fyddwch chi ddim yn gallu arbed eich gwaith a dychwelyd ato’n ddiweddarach, felly rydyn ni’n argymell eich bod yn lawrlwytho’r rhestr o gwestiynau ac yn paratoi eich atebion ymlaen llaw.
- Os hoffech gael sgwrs anffurfiol am y rôl neu os oes gennych chi ofynion hygyrchedd penodol yr hoffech chi eu trafod gydag aelod o’n tîm recriwtio, gallwch gysylltu â ni ar 02920 541551 neu anfon ebost yn gofyn am alwad ffôn i recruitment@welshwomensaid.org.uk.
Beth sy’n digwydd ar ôl i chi gyflwyno eich cais?
Os cewch chi’ch gosod ar y rhestr fer, bydd aelod o’r tîm recriwtio yn cysylltu â chi gyda manylion y camau nesaf.
Eisiau gwybod mwy? Mae croeso i chi gysylltu â ni:
Ebost: recruitment@welshwomensaid.org.uk
Ffôn: 02920 541551.
